mediapost

بەپێی زانیاریەکان دوێنی قاسم سلێمانی فەرماندەی سوپای قودس بە هەر یەکە لە لاهور و ئاراسی شێخ جەنگیان ڕاگەیاندوە بەهۆی فراوانبوونی  خۆپیشاندانەکانەوە لەسەرانسەری ئیران ناچارن بەشێکی زۆری هێزەکانیان لە شارەکانی ڕۆژهەڵاتی کوردستان بکشێننەوە، لەم حاڵەتەشدا بۆشایی ئەمنی درووست دەبێت لەو ناوچانە و ئەگەری ڕاپەڕین هەیە، بۆیە باڵی خیانەتکارانی ناو یەکێتی ڕازیبوون بەوەی هێزە ڕەشەکە کە زووتر لە کەرکوک بوو بنێردێت بۆ شارەکانی ڕۆژهەڵاتی کوردستان، یەکێکی دیکە لە مەبەستەکانی ئەم کارە دووبارە کردنەوەی سیناریۆی پردێیە قاسم سلێمانی لەکاتی هێرشی پێچەوانەی پێشمەرگە لە 18ی ئۆکتۆبەردا دژەتیرۆری یەکیتی کرد بەقەڵغان تاکوو پێشمەرگە نەتوانێت شەڕی کورد و کورد بکات، لێرەشدا حزبە کوردیەکانی ڕۆژهەڵات ناتوانن شەڕی هێزێکی کوردی باشوور بکەن.لەقۆناغی یەکەمدا 600چەکداری هێزە ڕەشەکە بەفەرمانی لاهوری شێخ جەنگی ڕەوانەی ڕۆژهەڵاتی کوردستان کراون

پێشمەرگەیەکی فەوجی ۳ـی لیوای ۲ـی پیادە لەچەمی گۆرانەوە بۆ کەرکوکـ بەناوی (ــــــــ) لەبازگەی چیمەن لەلایەن یەکێکـ لەکارمەندەکانی هەڵۆی کەرکوکـ (صقر كركوك) ڕێگری لێ ئەکرێت بەبیانوی ئەوەی باجی ئۆتۆمبێلەکەی بەسەر چووە وئەبێت تازەی بکاتەوە ... داوای بڕی ۱۵.٠٠٠ دینار وساڵانەی ئۆتۆمبێلەکەی لێ ئەکات پێشمەرگەکە ئەڵێ موچەم وەرنەگرتووە تەنها ۱۱.٠٠٠ هەزارم پێیە کارمەندەکە ئەیبات بۆ لای هێزە عێڕاقێەکان وئەڵێ ئەمە #پێشمەرگەیە پارەی سەقەر کەرکوکی پێ نیە سەربازە عێڕاقێەکە ئەیبات بۆلای ئەفسەرێکی خۆیان وتوێتی گەورەم ئەمە پێشمەرگەیە پارەی سەقەر کەرکوکی پێ نیە ئەفسەرەکە وتوێتی (شەقێکی تێ هەڵدەن بابڕوات ملی بشکێنێ) هەر کەسێکـ ویستی زیاتر دڵنیابێت لەهەواڵەکە پرسیار لەپێشمەرگەکانی فەوجی ۳ـی لیوای ۲ـی پیادە بکات کەئێستا دەوامیان لەچەمی (گوران) وساتییە ناوی

دوای ئه‌وه‌ی به‌غدا داوای لیستی فه‌رمانبه‌رانی وه‌زاره‌ته‌كانی په‌روه‌رده‌ و ته‌ندرووستی حكوومه‌تی هه‌رێمی كوردستانی كرد، بۆ وردبینیكردن و دابینكردنی مووچه‌، په‌رله‌مانتارێك ئاشكرای ده‌كات، ئه‌مجاره‌ به‌غدا داوای لیستی فه‌رمانبه‌رانی وه‌زاره‌تی خوێندنی باڵا ده‌كات. محه‌مه‌د عوسمان، په‌رله‌مانتاری كورد له‌ ئه‌نجوومه‌نی نوێنه‌رانی عێراق، رایگه‌یاند، به‌ گوێره‌ی ئه‌و زانیارییانه‌ی ده‌ستییان كه‌وتووه‌، پێشبینی ده‌كرێت حكوومه‌تی به‌غدا دوای په‌روه‌رده‌ و ته‌ندرووستی، داوای لیستی فه‌رمانبه‌رانی وه‌زاره‌تی خوێندنی باڵا بكات، بۆ ئه‌وه‌ی وردبینی بۆ بكات. به‌ گوته‌ی محه‌مه‌د عوسمان، هۆكاری داواكردنی لیستی فه‌رمانبه‌رانی خوێندنی باڵا ده‌گه‌ڕێته‌وه‌ بۆ ئه‌وه‌ی كه‌ كێشه‌ی كه‌متر له‌ لیستی فه‌رمانبه‌رانی ئه‌و وه‌زاره‌تانه‌دا هه‌یه‌.

دەسەڵاتدارانی ئێران سەبارەت بە خۆپیشاندانەکانی ئێستای وڵاتەکەیان دەڵێن "دەستی دەرەکی و مونافیقانی ناوخۆیی لە پشتی خۆپیشاندانەکانەوەن " دياره بیریان چووە ، مەگەر خۆیان ئەو دەستەدەرکیە نەبووبن لە چەند ساڵی رابردوودا لەپشتی تەواوی ئاڵۆزیاکانی وڵاتانی ناوچەکە بوبن؟ وڵات نەما وێرانی نەکەن ئاژاوەی تێدا دروست نەکەن ، فەیلەقە قودسەکەیان لە هەموو شوێنێک بوو تەنها لە قودس نەبێ ... ساڵانێکە ئێران ئەو دەستەدەرەکیەیە بۆ ئاڵۆزبونی دوخی ناوخۆیی کوردستان ، پێکهێنانی میلیشیا و دروستبونی دووبەرەکی و تیرۆر و هێرشکردنە سەربارەگا و دروستکردنی پێگەی سیخوڕی و ئیرهابی فیکر و دەستوەردان لە دۆخی ناوخۆیی حزبەکان و ئابڵوقەدان  .....هتد ، مەگەر هەر ئێران خۆی لە پشتیانەوە نەوەستاوە ؟ #نیازحاجی

لێپرسراوی دەستەی کارگێڕیی مەکتەبی سیاسیی یەکێتیی نیشتمانیی کوردستان ئاماژەی بەوە کرد کە دۆخی ناوچەکە بەرەبەرە دەکوڵێ و بە دووری نەزانی جەنگێکی گەورە لە ڕۆژهەڵاتی ناوەڕاستدا ڕووبدات. مەلا بەختیار، لە نووسینێکی کورتدا بە ناوی (قووڵبوونی کێشەکان و مەترسیی جەنگ) کە لە پێگەی تایبەتیی خۆی لە تۆڕی کۆمەڵایەتیی (فەیسبووک) بڵاوی کردووەتەوە، ئاماژەی بەوە داوە، دۆخی ناوچه‌ك به‌ره‌ به‌ره‌ “ده‌كوڵێ‌”. ئەوەشی ڕوون کردووەتەوە کە دوای (7) ساڵ، رۆژهه‌ڵاتی ناوه‌ڕاست، هێشتا له‌ناو شه‌ڕی ناوخۆییدایە، ده‌وڵه‌ته‌كان، لێكترازاون، زلهێزه‌كان ناكۆكن، هێزه‌ سیاسیه‌كان، جیهانبینیی سه‌رده‌مه‌كه‌یان نییه‌. گه‌لان، خه‌باتی چینایه‌تی‌ و نیشتمانی‌ و سیاسییان تێکەڵ و پێکەڵە. هەر لەو نووسینەیدا مەلا بەختیار ئاماژەی بەوە داوە: “دۆخه‌كه‌ وا بڕوات، شه‌ڕی ناوخۆیی سووریا، یه‌مه‌ن‌ و لیبیا، ناكۆكیی نێوان ستراتیژی ئێران‌ و رۆژئاوا و ده‌وڵه‌تانی سونیگه‌را، كێشه‌كانی ناو عێراق‌ و عێراق‌ و كوردستان؛ كێشه‌كانی توركیا و سووریا و دابین نه‌كردنی مافه‌ دیموكراسییه‌كانی باكووری كوردستان‌ و چاره‌سه‌رنه‌كردنی كێشه‌ ناوخۆییه‌كانی سه‌ر

چەند ڕۆژ لەمەوبەر لەکاتی گەڕانەوەی بۆ شاری کەرکوک لەلایەن هێزەعێراقیەکانەوە سوکایەتی بە بەرپرسی مەڵبەندی کەرکوکی یەکێتی کرا، ئەویش تەنها لەبەر ئەوی دەمانچەیەکی پێ بووە، لەکاتێکدا پاساوانەکانی هیچ چەکێکیان پێ نەبووە، ئەویش بەنا چاری و بەبێ دەنگی تێپەڕیوە و نەیتوانیوە هیچ کاردانەوەیەکی هەبێت..

بەپێی زانیاریەکان، لاهور شێخ جه‌نگی به‌رپرسی ده‌زگای زانیاری و دژه‌تیرۆری یه‌کێتی له‌ رێگه‌ی چه‌ند که‌ناڵێکه‌وه‌ له‌ هه‌وڵی نزیکبونه‌وه‌یه‌ له‌ پارتی و پارتییش ئاماده‌نه‌بووه‌ پێشوازی له‌ ناوبراو بکات، به‌هۆی ئه‌وه‌ی لاهورشێخ جه‌نگی ئه‌ندازیاری سه‌ره‌کی خیانه‌تی ١٦ـی ئۆکتۆبه‌ره‌”. له‌ سەرچاوەیەکی باڵا زانیارێەکان بڵاو کراوەتەوه کە: “لاهور شێخ جه‌نگی به‌رپرسی ده‌زگای زانیاری و دژه‌تیرۆری یه‌کێتی، دوای چه‌ندین هه‌وڵ و ماندووبوون، شکستی هێنا، لەگەڵ پارتی دانیشتن بکات”. سەرچاوەکە گوتیشی، “پارتی به‌ ته‌واوی ده‌رگای به‌ڕووی لاهوردا داخستووه‌، ره‌تیکردۆته‌وه‌ له‌گه‌ڵ لاهور دانیشتن بکرێت، هەربۆیەش لاهور شێخ جه‌نگی دوای بێهیوابوونی له‌ پارتی، چه‌ندین وتاری تووندی دژی پارتی داوه‌، به‌ڵام پارتی دیسان لاهوری ره‌تکردۆته‌وه‌”.

بەپێی زانیاریەکانی کە دەست (ڕه‌وش پۆست) کەوتوون، شیری گراهام هاوسه‌ری قوباد تاڵه‌بانی له‌ میواندارییه‌کی بۆ هاوڕێکانی له‌ ماڵه‌که‌ی خۆی له‌ هه‌ولێر ،وتویه‌تی سیاسه‌ت و ئیشکردنی برا و ئامۆزاکانی قوباد، یان ئیحراجکردووه. ڕه‌وش پۆست به‌پشت به‌ستن به‌ زانیاریه‌كانی شیری وتویەتی: هه‌تا قوباد سه‌نته‌ری بڕیاری ناو یه‌کێتی نه‌بێت و ده‌سه‌ڵاته‌کانی مام جه‌لال بۆ قوباد نه‌گه‌ڕێته‌وه‌، یه‌کێتی و دۆخی سلێمانی جێگیر نابێت،بۆیە پێویستە بەزووی دەسەڵاتەکانی مامی باوک بگوازرێتەوە بۆ قوباد. له‌دوای مردنی خه‌زورمه‌وه‌، یه‌کێتی خراپتر تێکچووه‌ و ته‌نها به‌ لێهاتوویی قوباد نه‌بێت، چاک نابێته‌وه‌.

شەوی ڕابردوو پەلاماری ھێزەکانی سوپای عیراق درا لەسنوری ھەردوو گوندی (غێدەو حەفتەغار)ی قەزای داقوقی سەر بەپارێزگای کەرکوک، دواتریش ئەندامێکی ئەنجومەنی پارێزگای کەرکوک لەزاری بەرپرسانی سوپاوە رایگەیاند: "گرووپەکە داعش بوون و بەتوندیش وەڵامیان دراوەتەوە". وەستا ڕەسوڵ فەرماندەی میحوەری چواری ھێزەکانی پێشمەرگە ڕایگەیاند: "بەڵێ ڕاستە ئەوانەی ئەو پەلامارەیان ئەنجامدا، داعش بوون". ئەو فەرماندەیەی پێشمەرگە ئاشکرایکرد، "بەگوێرەی ئەو زانیاریانەی بەدەستمان گەیشتووە، چەکدارانی گرووپی تیرۆریستی داعش بەتەواوی سنووری پارێزگای کەرکوکدا بڵاوبوونەتەوەو مەترسی زۆریان بۆسەر ناوچەکە دروستکردووە". سەبارەت بەبوونی ھێزەکانی سوپای عیراق و ڕووبەڕووبوونەوەی مەترسیەکان، وەستا ڕەسوڵ وتی:"ھێزەکانی سوپای عیراق تەنھا لەسەر جادەی قیڕن و لەنێو قوڵایی سنووری پارێزگاکە وەکو گوندەکان بوونیان نییە، ئەمەش زەمینەی بۆ تیرۆریستان ڕەخساندووە بەناوچەکەدا ھاوشێوەی ٢٠١٤ بڵاوببنەوە". لەبارەی ناسنامەی ئەو گروپەش کە بەئاڵا سپیەکان خۆیان ناساندووە، ئاشکرایکرد، "ئەوانە ھەر داعش بوون، بەڵ

لە تازەترین وتاریدا شاناز ئیبراهیم ئەحمەد بەناونیشانی (لە شاناز ئیبراهیم ئەحمەد بۆ سەرکردایەتی یەکێتی، ئه‌گه‌ر بڕیارتان پێ نادرێ باشترە بڕۆن) پەیامێک ئاراستەی سەرکردایەتی یەکێتی دەکات و لە سەرەتاشدا دەڵێت: ئه‌گه‌ر سه‌ركردایه‌تی یه‌كێتی چیتر له‌ توانایدا نه‌ماوه‌‌‌ بڕیار بدات و داكۆكی له‌ ناوه‌ گه‌وره‌كه‌ی حزبی شه‌هیدان و مام و پیرۆزیه‌كانی یه‌كێتی و ژیانی خه‌ڵك و كادران و ته‌نانه‌ت بنكه‌ و باره‌گاكانی خۆی بكات باشتره‌ به‌ زوویی بڕۆن و یه‌كێتی جێبهێڵن ..!! لە بەشێکی دیکەی وتارەکەیدا شاناز ئیبراهیم دەڵێت: ئه‌و په‌ڕی شه‌رمه‌زارییه‌‌ له‌ناو ریزه‌كانی یه‌كێتیدا و به‌پاره‌ی یه‌كێتی و له‌سه‌ر لاشه‌ی یه‌كێتی چه‌ندین حزب دروست ببێت و سه‌ركردایه‌تی یەکێتی مێش میوانی نه‌بێت ، خیانه‌ته‌ كه‌ هه‌ردوو جێگره‌كه‌ی سكرتێری گشتی و لێپرسراوی ده‌سته‌ی كارگێری و به‌رپرسی هێزه‌كانی حه‌فتا پاش چه‌ندینجار جیابوونه‌وه‌ و حزب دروستكردن و سه‌نگه‌ر گواستنه‌وه‌ و ئه‌و هه‌موو تاوانانه‌ی كه‌ به‌رامبه‌ر به‌یه‌كێتی كردوویانه‌ و ئه‌و هه‌موو تۆمه‌ت به‌خشین به‌ (خیانه‌ت)ە‌ی كه‌ ڕۆژانه‌ ئه‌یده‌نه‌ پاڵ یه‌كێتی هه‌ر له‌سه‌

له‌باره‌ی ئه‌وه‌ی كامیان رۆڵی زیاتریان له‌ خیانه‌ته‌كه‌ی 16ـی ئۆكتۆبه‌ردا هه‌بووه‌، هه‌ریه‌كه‌ له‌ پاڤڵ و ئاراس شێخ جه‌نگی یه‌كتری تۆمه‌تبار ده‌كه‌ن. به‌پێی زانیارییه‌كان، له‌ چه‌ند رۆژی رابردوودا ئاراسی شێخ جه‌نگی له‌میانی دیداری له‌گه‌ڵ ژماره‌یه‌ك كادیری حزبه‌كه‌ی كه‌ سه‌ر به‌ باڵی ده‌ستڕۆیشتوون ئه‌و تۆمه‌تانه‌ی پاڤڵ تاڵه‌بانی ره‌تكردۆته‌وه‌ كه‌ هۆكاری سه‌ره‌كی و كاراكته‌ری سه‌ره‌كی خیانه‌ته‌كه‌ی 16ی ئۆكتۆبه‌ر بووبێت، به‌ڵكو ئه‌وه‌ی راگه‌یاندوه‌ كه‌ ئه‌ویش هاوشێوه‌ی پاڤڵ تاله‌بانی و لاهوری برای و ئاسۆ ئه‌لمانی و ئه‌وانیتر پێكه‌وه‌ خیانه‌ته‌كه‌یان كردوه‌، نه‌وه‌ك ته‌نیا ئاراس ئه‌نجامی دابێت. ئاراس شخ پلایس له‌درێژه‌ی قسه‌كانیدا بۆ ژماره‌یه‌ك كادیری حزبه‌كه‌ی ئه‌وه‌ی نه‌شاردۆته‌وه‌، كه‌ شه‌وی كوده‌تاكه‌ خودی پاڤڵ تاڵه‌بانی به‌ وه‌ره‌قه‌یه‌كی ئیمزاكراوی 52 ئه‌ندامی سه‌ركردایه‌تی یه‌كێتی رایگه‌یاند كه‌ زۆربه‌ی یه‌كێتی له‌گه‌ڵ كشانه‌وه‌ بوونه‌ له‌ كه‌ركوك و ناوچه‌ كوردستانیه‌كان. بۆیه‌ ناكرێت ئێستاكه‌ ده‌ستی چه‌وریان به‌ ئێمه‌ بسڕنه‌وه‌و ئێمه‌ی پێ ناشرین بكه‌ن و خۆیان بۆی ده‌ربچن.

هاوکێشەکە زۆر ئاسانە یەکەم / صەندوقی دراوی نێودەوڵەتی بریاری داوە کە هیچ قەرزێک نەداتە عێراق تا بەغدا سزاکانی لەسەر کورستان هەڵنەگرێت . دووەم / فەڕەنساو ئەلمانیا کە نوێنەرایەتی و سەرکردایەتی یەکێتی ئەوروپا دەکەن بە راشکاوی بە حەیدەر عەبادیان گوتووە دەبێ دەست بەگفتوگۆبکات لەگەڵ کوردستان لەسەر بنەمای دەستور و مەرجەکانی بەلاوە بن . سێیەم / ئەمەریکا و فەرەنسا و ئەلمانیا چەندین جار رایانگەیاندووە کە ئەوان پشتگیری لە هەرێمی کوردستانێکی بەهێز دەکەن و تەنها جێی ناهێڵن . چوارەم / دوای ئەوەی عێراقیش دەنگیدا لەدژی پرۆژە یاساکەی ئەمەریکا بۆ بەپایتەخت ناساندنی قودس لە ئەنجومەنی گشتی نەتەوە یەکگرتوەکان  ، تڕەمب ئەوەی راگەیاند کە ئەو وڵاتانەی دەنگیان لە دژی ئەو پرۆژەیاسایە داوە لە هاوکاریەکانی ئەمەریکا بێبەش دەبن ، ئەمە بەو مانایە دێت کە عێراقیش بێ بەش دەبێ لە هاوکاریە سەربازی و دارایی و لۆجستیەکانی ئەمەریکا ! پێنجەم / دوای ئەوەی بەریتانیا توانی بەهۆی خیانەتی ۱٦ی ئۆکتۆبەرەوە نەوتی کەرکوک لە (رۆزنەفت) وەربگرێتەوە بیداتەوە بە (بی پی)، بەڵام بە هۆی کێشەی ئەمنی و تەکنیکی هیچ سودێکی لە نەوتەکە

دوێنی لەکاتی هاتووچۆی محمد عوسمان پەرلەمانتاری یەکێتی و ڕزگار عەلی لەبازگەی کەلهوڕ حەشدی شەعبی دایان دەگرن و سوکایەتیەکی زۆریان پێدەکەن و ئەوانیش هیچ کاردانەوەیەکیان نابێت و تەنها،لەسەرکردایەتی حزبەکەیان گلەیی دەکەن..

نیوەڕۆی ئەمڕۆ چوارشەممە (ڕاکان سەعید) پارێزگاری کەرکوکـ بەوەکالەت وچەند بەرپرسێکی میلیشیا شیعەکان لەماڵی سەید (نەجمەدین جەباری) نیوەڕۆ خوانێکیان بۆ ڕێکخرا بۆ ماوەی چەند کاژمێرێکـ شەقامی ئەو کۆڵانە داخرا لەلایەن پاسەوانەکانی ڕاکان

نیوەڕۆی ئەمڕۆ چوارشەممە ۲٠۱۷/۱۲/۲۷ ژمارەیەکـ عەرەب هەڵیانکوتاوەتە سەر گوندی (پەڵکانە)ـی سەر بەقەزای دووبز لەگەڵ کورد نشینانی گوندەکە بووەتە دەمەقاڵێیان دواتر عەرەبەکان سوپای عێراقییان ئاگادارکردووەتەوە وهاتوون بۆ پشتیوانی عەرەبەکان زیاتر لە ۳۵ ماڵی کوردی گوندەکە ئاگادارکراونەتەوە ومۆڵەتی ۳ ڕۆژیان بۆ دانراوە بۆ جێهێشتنی گوندەکەیان وزەوێیەکانیان شایەنی باسە لەسەردەمی حکومەتی بەعس ئەو زەوییەکانی ئەو سنورە لەکورد سەندرابوونەوە و بەگرێبەست بۆ عەرەبی بەدەوی کرابوون، بەڵام لەدوای پرۆسەی ئازادی عێراقەوە کورد گەڕابوونەوە سەر زەوییەکان ئێستاش بۆ جاری دووەم ناوچەکە بەر شاڵاوی تەعریب دەکەوێتەوە ومەترسی هەیە تەواوی گوندەکانی دیکە رووبەڕووی هەمان دۆخ ببنەوە

هەموو شت کۆتایی پێ هاتووە، تەنیا جێبەجێ کردنەکەی ماوە، فیکرەکە وایە: ئەگەر کورد بنێردرێتەوە بۆ چیاکان، دەتوانن چی بکەن؟ نە ئێران و عێراق وەک جاران دوژمنی یەکدین، تا هاوکاری ئۆپۆزسیۆنی یەکتری بکەن و بەمەش کوردەکان درێژە بە شۆڕشەکەیان بدەن، نە عێراقەکەی ئەمڕۆش وەک ئەوەی سەدام گوشاری دەولی لەسەرە تا کوردەکان مارکێتینگی سیاسی پێوە بکەن و شەرعیەت و ڕەوایەتی بۆ شۆڕشەکەیان وەربگرن. کەواتە: بۆ نەچنەوە شاخ؟ ئەگەر بچنەوە چیا، دەتوانن چ گوشارێک لەسەر دەوڵەتی عێراق دروست بکەن؟ هیچ!! کەواتە بۆ نەیان نێرینەوە؟ هەرێمی کوردستان دەخەینەوە سەر عێراق، موچەی خەڵکەکەی دەدەین و وەکو جاران نایانکوژین و ئەنفالیان ناکەین و عەسکەرییشیان پێ ناکەین، بەمەش ڕازی دەبن و وەکو جاران دژی دەوڵەت چەک هەڵناگرن! ئیسپانیای بە ناو دیموکراسی، پەرلەمان و حکومەتی کەتەلۆنیای هەڵوەشاندەوە و پادشا فەرمانی ئەنجامدانی هەڵبژاردنی تیادایەوە و بۆیشی چووە سەر، ئەدی عێراق بۆ نەیکات؟ ڕێک ئەمە پیلانەکەیە، حکومەتی هەرێم و ئەم فۆرمە سیاسییەی کە پێی دەگوترێت هەرێمی کوردستان، هەڵدەوەشێنرێتەوە، لە٢٠٠٣وە تائێستا دەرفەتی وا زێڕین نەهاتووەتە بەرد

به‌گوێره‌ی زانیاریه‌كانی کەده‌ست كه‌وتووه‌، ئه‌و خۆپێشانده‌رانه‌ی كه‌ هێرشیان كردۆته‌ سه‌ر وێستگه‌ی به‌رهه‌م هێنانی كاره‌بای چه‌مچه‌ماڵ، كه‌ له‌ئێستادا وێستگه‌كه‌ گوژێنراوه‌ته‌وه‌، به‌و هۆیه‌ش كاره‌بای سنوری سلێمانی و هه‌ڵه‌بجه‌ كوژاوه‌ته‌وه‌، له‌ئێستادا دیانه‌وێت هێرش بكه‌نه‌ سه‌ر به‌شه‌كه‌ی تریش”. هه‌روه‌ها سه‌رچاوه‌یه‌ك له‌و وێستگه‌یه‌، ده‌لێت زیانی یه‌ك ملیۆن دۆلار به‌ر ویستگه‌كه‌ كه‌وتووه‌ و له‌ئێستادا ناتوانین كاره‌بایی به‌شێكی پارێزگاكان بده‌ین، بۆیه‌ مه‌ترسی هێرشێكی تریش هه‌یه‌، كه‌ بكرێته‌ سه‌ر وێستگه‌كه‌ بۆیه‌ داوا له‌ هێزه‌ ئه‌منیه‌كان ده‌كه‌ین كه‌ رێگری له‌و زیان گه‌یاندنه‌ بكه‌ن، چونكه‌ ئه‌مه‌ پاره‌یه‌كی زۆر زیان به‌ ویستگه‌كه‌ ده‌گه‌ێنێت”.